上星期B2學校搬遷，冇啦啦放左10日假。

星期四，我同B2決定去海記玩番日。海記有7折，兩人加埋兩舊水。不過parking$70隧道費$140，計埋都好肉痛，算啦，冇幾何平日可以去。唔知係咪因為海嘯影響，海記冇乜人，乜鬼都係得幾丁友。

好多大建設。山下起好多唔知咩館

山上起spa酒店

比B2付付碌碌咁影到我坐過山車，仲咁正中添。

呢張都唔錯。

星期日就係B1 12歲生日，禮物就係旁邊架單車，仲同佢踩去南生圍添。

呢排天氣秋高氣爽，踩單車最適合。由屋企踩去沿途影下相，來回用左一個半小時。

河邊好多魚

行前D就見到有人捉，多數係福壽魚，我唔多識。我問漁夫夠唔夠膽食，佢話D魚係潮漲沖入來冇問題，仲問我要唔要D。多謝哂..............咪攪我。

夜晚一家四口去左佐敦烚下烚下。冇帶相機，冇相睇。不過有樣野幾得意，我地叫左8樣食物，當我地仲想叫的時候，個待應竟然叫我地唔好再叫，怕我地食唔哂。又難怪佢，佢冇見過B1B2鍾意食個樣姐。