自從搬返回來後，日日都好鬼忙，今日整呢樣，聽日又整個樣。整完又到大細怪測驗。大怪自從做左form one仔後，又係忙個不停。135補習，246游水，一個星期過得飛咁快。中學每學期2測1考，即係測完冇幾耐又要測，測完一陣又話到考試，即係個個月都要讀。同小學唔同，小學得四科，中學成十幾科，人都癲。不過大怪都算係咁，叫佢讀就讀(要坐係身邊陪下佢讀)，佢仲主動問我可唔可以補多幾日習，唉....佢肯去補，做亞媽就梗係話好啦。希望佢努力過，有好成績啦。
細怪都生性左，自己坐車出入去補習社，未開始前，我好擔心佢會係村巴睡過頭，唔識落車，過左成兩個月，佢都冇試過唔記得落車。由於同哥哥時間唔夾，所以我又冇好似以前咁睇實細怪做功課，卻反而做得好左喎。真係出奇。11月中細怪要轉全日制，放左學就坐校車去補習，估計要成6點先返屋企。屋企會變得好靜局lu.........
呢排股票市場好似食左瀉藥咁，今日瀉左1600點呀，11015。大笨象得75蚊，以前聽人講穿100買呀！鬼呀！75都冇人要。好似話要跌埋呢一個星期，要睇實D先得。
